Wednesday, December 5, 2012

About Anti-Morsy March to Presidential Palace



كنت محتاجة أعمل save لل statuses بتاعتي وملقيتش أحسن من الblog :)

كلهم بتاريخ 4/12/2012
  • سبحانك يا رب.. عندنا شيزوفرنيا واللهِ!!! لما العيال بتاعة حازمون نزلت عند وزارة الدفاع وناس ماتت والدنيا إتقلبت على الإسلاميين وكلنا كنا ضد العنف والبلاوي اللي حصلت .. نفس الناس اللي مكانتش طايقة حازمون هما نفسهم الناس اللي بيبرروا الاقتحام عند الإتحادية!
  • فين حمزاوي قائد مسيرة الإتحادية؟! فين البرادعي اللي راح يجيب قهوة ومرجعش؟! فين صباحي اللي خايف يقولوا عليه طمعان في الرئاسة؟! فين موسى اللي عينه لمعت والناس بتهتف بإسقاط المرشد (اللي مش بيحكم أساساً!)؟! فين الضيوف الكرام اللي ليل نهار في الإعلام تشتم فى رئيس منتخب بعد الثورة واللي لسه على شاشات التليفزيون لحد دلوقتي أمثال خالد يوسف وأشباه الزند؟! ... أفلا تعقلون؟؟؟!!!
  • قال لك "اهتف قول .. الإخوان فلول" .. أُمّال اللي ماشي جنبك يا أختشي تسميه إيه؟؟؟!!! :D
  • رافض الدستور إنزل صوت ب"لا" .. رافض مرسي إنزل صوت بغيره في الانتخابات الرئاسية كمان 4 سنين .. رافض الإخوان إنزل انتخب غيرهم في الإنتخابات البرلمانية! لكن متقوليش الرئيس نجح إنه يجمع الثوار والفلول عشان ده قرارك إنت! .. إنت اللي اخترت تقف جنب اللي قتلوا إخواتك وبتلوم إبن عمك إنه "لسة" مجبش حقك بدل ما تساعده .. إنت اللي مبتفكرش غير في نفسك! كفاياكم تجارة بإسم الثورة!
  • على فكرة أنا بفرح لما حد بيعمل لي بلوك أو يقرر إنه مش عايز يعرفني لمجرد إني مختلفة معاه/معاها في الرأي .. ده إن دل على شيء فيدل على حجم النفاق اللي الواحد عايش فيه :) .. يا ريت ماحدش فيهم ينادي بحرية الرأي بعد كده أو يرفض الإقصاء لإنه ببساطة بيمارسه :)
  • إسلام لطفي يا ناس اتعلموا! من أنضف ما فيكي يا معارضة! حزب التيار المصري (مش التيار الشعبي) وحزب مصر القوية من عقلاء هذه البلد .. ولو كل المعارضة كانوا بالنضافة دي كنتوا هتكسبوا أصوات كتير قوي من الناس .. بس هقول إيه .. ربنا هو الهادي .. قادر يفتح عيونكم على الجري ورا عكاشة وأمثاله من غير تفكير! افيقوا يا سادة .. مرسي ليس بملاك .. ولا أنتم أيضًا!
  • معلومة صغيرة بس .. الخرفان في الأصل جبانة وبتجري .. محدش بيعرف يحشدها .. والدليل ساعة دبح الأضحية في العيد واسألوا أي جزار ... واللي طلع لفظ خروف على الإخوان ده خانه التعبير :D .. من باب أولى تشتموهم بلفظ يا حصنة :p عشان تعرفوا بس أنتم أد إيه منساقين :P
  • فين أيام ما كانت صفحة توفيق عكاشة  10,000 بس والناس بتضحك عليه وشايفة إنه كلام فارغ مش هيأثر في حد ... :)))))))))))))) فجأة فجأة بقى ثوري! .. يا سبحان الله كانت أيام !


.. N.O.H.A ..