Monday, July 1, 2013

كلاكيت 3 مرة .. أنا مكاني مش هنا :)


كلاكيت 3 مرة .. أنا مكاني مش هنا :)


من ساعة ما وعيت عالدنيا وأنا حاسة إني غريبة .. مكاني مش وسط الناس اللي حواليَّ دي ولا بعرف أعيش وسط العالم دي .. ممكن أكون عايشة في يوتوبيا لوحدي بس اللي متأكدة منه إن فيه ناس زيي كتير حاسين زيي بالظبط بس مش عارفة أوصل لهم .. مهما حاولت اتأقلم ومهما حاربت نفسي برجع من نقطة الصفر .. ومعنديش حل للأسف غير الصبر .. خسرت ناس كتير وعرفت ناس أكتر .. بس دايما عزائي الوحيد إن ربنا يرزقني بالجنة وأعيش تحت عرشه وبس .. هو الحليم الودود الكريم الواحد الأحد الذي لم يلد ولم يولد ولم يكون له كفوا أحد ..

يمكن تسموني مجنونة وأنانية بس والله الذي لا إله إلا هو ما لقيت سعادة غير في طاعة ربنا .. ووصلت لدرجة إن كل اللي بيحصل حواليَّ ده مجرد قصص قصيرة بعيشها يوم بعد يوم ملهاش أي تلاتة لازمة غير إنها تزود أو تنقص حسناتي ..

ده قراري النهارده .. أنا هتوكل على الله وأسلم ليه الأمور .. ربنا عالم باللي في قلبي وعارف كويس غيرتي على ديني وأحلامي إن ينتشر العدل تحت راية الإسلام .. وهتيجي هتيجي ويقيني بالله كبير .. مش هخاف وربنا هيثبتني عشان اللي بينه وبين ربنا عمار عمره ما بيخذله .. الله أكبر فوق كيد أي معتدي ..
وليت قومي يعلمون ... :)

لا عسكر ولا شعب ولا حكومة ولا شيوخ ولا مذيعين ولا إعلام ولا أصحاب ولا شغل ولا أي بني آدم هيغير إيماني بالله وبعقيدتي بيه سبحانه وتعالى .. ولا حد هيقدر يخليني أنفر من ديني الإسلامي .. ببساطة عشان عرفت ربنا وحبيته مش بالكتب ولا بالحواديت .. بحاجة اسمها العشرة :)

نصيحة من قلبي ويا رب تستقبلوها بحب مش إني بتعالى على حد :)
والله مافيش غير ربنا هو نعم الحسب وهو نعم الوكيل ...
ماتخلوش أي حاجة تانية في الدنيا تلهيكم عنه .. قربوا ليه بالحب عشان مفيش أحن منه علينا ... هو اللي باقي لينا .. ما عنده خير وأبقى من الوطن حتى :)

أنا وطني ومكاني الجنة .. يا رب يقبلني ويقبلنا كلنا فيها ... اللهُم آمين ...

Sunday, March 17, 2013

Rest In Peace Thou Love ...


She's in a state of shock .. He has changed into every aspect he has despised and hated his entire life .. He's acting like someone else .. Someone she never knew existed .. or maybe she had fears he would be and never admitted it to herself ..

She can't imagine how a man can be that gentle and becomes a cold-hearted beast with no mercy whatsoever even within the words he utters.. He's aching, it's obvious that he is .. He's acting like he has conquered the world, when he's only destroying every little hope of them being together .. "How can someone be that self-destructive?" she keeps asking herself over and over again .. How did he manage to damage the only real bond he had with a woman? Why is he giving up on the only thing worth fighting for? How can a man forget years and years of his life by taking one decision within hours?! .. Could it be? Can someone love for just the sake of waiting to be loved the same? A million thoughts are racing in her head, unwilling to leave her alone ..

It's definite, he has lost her forever .. He lost her by not trying .. He lost her not because there are obstacles ahead of them .. He lost her because it's his own choice not to be for her .. He can't be thinking straight .. No one with his right mind will go be with someone when he's in love with someone else .. That's suicide ..

She doesn't care whether he comes back or not anymore .. She just pities him .. What she felt towards him was more than love .. She held him within her soul like a mother, she kept him away from harm whenever he called .. He was her first priority in everything .. He even cried himself to sleep for not being by her side .. She seeked no help other than his .. She still drowns in his eyes by the thought of it .. She sees right through him, unfortunately it was something he wasn't pleased of ..

"How can a sane person declare his own death that fast?" she wonders .. She has never felt that helpless in a long time .. She can't believe the person she loved the most in her life is building all these walls just to be away, treating her like a sudden plague that's invading his mind without any glimpse of mind-over-body control ..

Oh yes, he loves her still .. It's all in his voice, it screams out loud even if he's not speaking of such devotion ..
He's a liar .. He's the most amazing liar she has ever met in her life ..
He just forgot how their hearts met without words .. He had forsaken the vibes they felt towards each other miles away ..

She knows he'll never be back, even if deep down inside he's dying for her to be by his side ..
and he knows how much she loves him, but he'll make sure to keep his distance no matter what ..

"Rest in peace thou amazing affection that has granted us the taste of sweet shivers and warm embrace .. Our love is meant to be lost, well-hidden.. For we did not cherish it enough to keep it alive.."

She ends her note and folds it away to lay by her trembling heart ... THE END.


.. N.O.H.A ..



Friday, March 15, 2013

My Long Awaited Knight



Artwork by Amal Ali
Oh yes .. I feel safer in my own bubble .. I build walls and plan strategies to keep myself alone .. I live in a constant battle with thy self and wonder when it's gonna end ...

I'm surrounded by beasts who only dream of sucking out my blood every time they see me .. I'm the ultimate bait of satisfaction .. Some may find me weird and some may find me way too formal to handle .. But, at the end, they never succeed to break the fence .. I do all my best to push them away .. I guard my senses with everything that I've got ..

I wake up every morning with one purpose, "Defend your territory!"

I always make sure no one is close enough .. Whenever they plan to invade my premises, I scream... I yell... I present all the schemes of hatred to scare them away ..

Only the one who succeeds such test is worth dying for... is worth fighting for... is worth sticking to and longing for ...

He's my knight .. He's my all .. He doesn't exist ..

.. N.O.H.A ..

Sunday, March 10, 2013

لو كان الـــلــــــت إنسان لقتلته!


مساء الفل عليكم .. يا رب تكونوا بخير كده ومستريحين .. عندي كده موضوع نفسي أتكلم فيه من زمان .. زي ما بيقولوا كده محشور في زوري و مش عارفه أفهمه ..

ممكن تكلموني شوية عن النفسنة بليــــــــــــــــز؟؟ .. إيه لازمتها في الحياة .. ها؟؟ .. ليه "أفري ويير يو جوو" في مصر و بره مصر (تحديدا بين المصريين) النفسنة متوغلة بشدة؟! وفي غالب الأحيان تصاحبها التدخل في ما لا يعنينا وكأن الموضوع ده بقى عادي جداً .. لأ ومعدي كمان أكتر من أي مرض .. ليه ها؟! ليه؟!
أظن مفيش حد ما جربش الموضوع ده .. صح؟ 

الحكاية بتبدأ انك لو فتحت بقك بأي حاجة مع حد فجأة بتلاقي البشر كلها عارفة كل حاجة عنك .. لبست ايه الصبح .. زعقت في مين النهاردة .. خرجت مع مين امبارح .. الايشارب الفلاني جبته منين وهلم جرى.. اللت اشتغل عالفاضي والمليان ..
ولو لقوكي ساكتة (بعد الشر) ومش رغاية بيبدأوا يستفزوكي عشان يعرفوا أي حاجة عنك .. يلا ما هو الكلام ببلاش ومفيش مانع يزودوا حبة شطة وتحابيش عالماشي من بتاعة "هي مالها تنكة كده ليه؟" عشان يضمنوا ان مفيش أحسن منهم في المن(تش)قة :] ..أاه أمال ايه؟؟!!

وفي الغالب الحكاية دي ما بتنتهيش لإن للأسف التحول لطبع .. والنفس الأمارة بـالسوء بتتغذى أحلى غذاء وبتعجبها الليلة بقى .. ممكن يستلموكي النهارده أو الواد الحليوة فلان الفلاني بكرة .. بعده مديرتيك على حبة تحابيش من "دي ساحرة شريرة! إزاي إنتي مبسوطة معاها؟" .. على أساس إنهم يحسسوكي إنك غريبة يا عيني في وسطيهم .. بس متقلقيش .. أنا بقولك خليكي غريبة .. على الأقل عشان متوقعيش نفسك في غلط ملوش أي تلاتين لازمة وتلبسيه إنتي في الآخر ..
بس بصراحة  أنا متغاظة قوي .. نفسى أفهم!

أمنية حياتي إني أخُش جوه دماغ اللتات أفهم إيه الحب الرهيب المتواصل اللي عنده تجاه "الـلـــــــت" .. يعني بيفكر إزاي؟! بينام عادي زينا كده؟ مفيش كوابيس من أي نوع؟! وإيه المتعة الغريبة في تأليف الأخبار؟؟ .. طب متخيل أو متخيلة الدنيا عبارة عن إيه؟ "وان بيج هابي لتاتين" ؟؟؟؟  .. طب الدماغ مبتصدعش من الكلام على الناس؟ ويا ريت بتقف عند كده وبس .. لاااااا ده لازم يخلوا كل اللي حواليهم زيهم بالضبط .. ولو حسوا للحظة إنه بيتعامل " بهدووووووووء" كل الافتراءات اللي في الدنيا تظهر ..

طب والحل يا جدعان؟ أيوه يعني هتفضلوا كده لحد امتى؟! وعشان إيه؟ .. أنا مش مصدقة بصراحة انكم مرتاحين .. يعني أكيد أكيد نفسكم تتغيروا بس مش عارفين ..

أنا عندي حل طيب, تسمعوه؟! .. بسيط آه بس يقضي الغرض .. لو لقيته حد منكد عليكم عيشتكم صبح وليل وهاري نفسه كلام (من غير إحساس الاضطهاد ده أنا عارفاه كويس  .. مش حلو عشان صحتكم .. انسوه .. ساعتها الحاجة الوحيدة اللي تعملوها هي التطنيش التام أو الموت الزوقام … آه والله مبينفعش غير كده .. وفي رواية أخرى "في الأحلام طبعا" ممكن تفرجوا الناس عليهم  وتطلعوا الغل اللي جواكم .. بس اوعوا تكونوا بتتكلموا وانتم نايمين! 

أصل الفكرة في إيه؟ لو احتكيتم أو شديتم معاهم في الكلام مش بعيد تتنرفزوا وتطلع منكم كلمة كده ولا كده وساعتها هتندموا أشد الندم .. وده بالضبط اللي هما عايزينه .. لو الواحد نسي  للحظة بس إنه  بيتكلم مع لتات وفتحله قلبه والله لو عملتوا إيه ما هتعرفوا توقّفوه .. ده هدف حياته أصلا زي الأكل والشرب ودخول الحمام بالضبط … ولو مقهورين ونفسكم "تبعبروا" باللي في نفسكم اعملوا زيي .. جربوا تكتبوا.. على جنب كده خلوا عندكم كراسة صغيرة ادلقوا فيها كل اللي غيظكم في الدنيا .. وممكن برضه تلعبوا رياضة أو تسبّحوا .. وده مش كلام محاضرات والله ومفعولهم سحري في الحالات اللي زي دي .. وده حل متجرب منى شخصياً .. على ضمنتى يعنى :)

ومعلومة صغيرة للستات عشان ميحسوش إنهم لوحدهم .. الرجالة كمان ليهم في اللت والغيرة .. ماتصدقيش أي راجل ييجي يقولك مفيش كده بينهم .. لأ فيه :) هما بيعرفوا يداروا كويس ;) وفيه كمان الأكتر من الغيرة .. فيه الانتقام وده أعوذ بالله منه بقى .. بلاش نخش في دايرته أحسن ..

الخلاصة .. خفوا شوية على نفسكم .. متركزوش مين بيقول عليكم إيه عشان الناس مش هتبطل كلام فأحسن حاجة تخلوا بينكم وبين أي لتات مسافات أو جزء طفيف من الحدود ..

نصيحة: ماتحكوش لحد أي حاجة غير وإنتي واثقة إنه بيحبلك الخير بجد .. ولو مش لاقيين حد دلوقتي ماتقلقوش .. كل شيء بأوان حتى الأصحاب :) .. بس خلّوا نيتكم صافية لله واصرفوا السوء من حياتك عشان يجيلك الخير ..
كبروا دماغكم وماتشيلوش حاجة في قلبكم .. الغل وحش قوي بيبان في الوش وبيخلي القلب حجر .. أنا عارفة إنها حاجة صعبة .. أنا مش ملاك على فكرة..  ياما شفت كتير زيكم بس حاولوا وجاهدوا نفسكم .. والله لو حاولتم وطلبتوها من ربنا هينولها لكم .. ربنا بيعين الواحد جامد جداً في الحالات دي بس المهم تكونوا فعلا عاوزين كده من جواكم .. خللوا عندكم يقين بالإجابة وده الأهم :)


Monday, February 11, 2013

كان نفسي مرجعش ..




 من 10 أيام تقريبا ربنا منّ عليَّا بزيارة بيته الحرام .. أول مرة أعمل عمرة .. عندي 30 سنة بس حاسة إني اتولدت من جديد .. سبحان الله .. يا رب تقبل يا رب ..

 من عبادة الله عز وجل إنك تحس بيقين الدعاء .. وبحاول أثبت على الإحساس ده إن ربىا يتقبل طاعتى عسى أن يلحقنى بالصالحين .. اللهُم يا مقلب القلوب ثبت قلبي على دينك .. آمين 

الأيام عدت بسرعة قوي والغريب إن الوقت في المدينة المنورة فيه بركة غريبة عمري ما حسيتها في أي حتة تانية .. عارفين ال snooze بتاع الموبيل؟ مفيش مرة ضرب فيها ال alarm وحسيت إنها 5 دقائق أبداً! والله كنت بحس إنهم ساعة وبقوم عادي جداً من غير تعب وشبعانة نوم .. وأحلى حاجة صلاة الفجر في المسجد .. بجد نعمة كبيرة قوي بحسد الرجالة عليها :) .. خسارة والله اللي تفوته .. صدقوا العلماء حين قالوا أن بها بركة اليوم كله ..

محسيتش إن المدينة أحلى من مكة زي ما ناس كتيرة بتقول .. حسيت كل مدينة فيهم مختلفة في حلاوتها .. كل حاجة فيها مميزة عن التانية .. على قد ما حبيتهم الاتنين على قد ما زعلت قوي من الناس اللي مش حاسين بقيمتهم .. عدم المبالاه مرض فظيع ربنا يعافينا منه .. والمشرفين على المساجد بيتعبوا قوي قوي .. ربنا يجازيهم عنا كل خير يا رب ..

إحساس غريب بتحسه وإنت هناك .. ما يتوصفش بمعنى الكلمة .. مهما الناس قعدِت تشرح وتحكي مش هيكفي .. بإختصار .. لقيت مكاني :) .. إشتياقي للجنة زاد وحبي للرسول عليه الصلاة والسلام إتغير .. حسيت كإني رايحة أزور أبويا وحبيبي وأخويا وكل حاجة ليَّا في الدنيا والله ..

جزاها الله كل خير أختي كلمتها سألتها على الدعاء اللي أسلم بيه عليه -صلى الله عليه وسلم- في الروضة ودعيت بكل جوارحي في صلاة الفجر "اللهُم بلغني صلاة في روضة المسجد النبوي.. اللهُم آمين آمين آمين" .. وربنا استجاب الحمد لله :) .. بعد الشروق استنينا ميعاد الزيارة وربنا كان منزّل عليَّا السكينة والله .. كنت صبورة جداً ومش مضيقة خالص من طول الانتظار وفضلت أسبّح واتفرج واملّي عيني من الألوان والتفاصيل .. كل حاجة جميلة قوي قوي قوي ما شاء الله .. حتى لما اتعسرت جوه من الزحمة والتدافع الرهيب .. محستش إني لوحدي للحظة .. ربنا أوحالي ادور على المخرج عشان ألاقي حتة فاضية شوية اسجد فيها .. ملقيتش غير آخر سجادة خضرة بتفصل الروضة عن المسجد .. جريت أركع عليها لقيت المشرفة بتقول لي "لا ما في صلاة .. خروج خروج" .. قلت لنفسى (بلاش تقولى لأ .. شعارالرحلة "لا جدال" .. ربنا أمرنا بكده) .. خرجت ووقفت على السجادة الحمرا مذهولة ومصدومة .. راحت جت بنت من المشرفات تسألني "صليتي؟؟؟" .. قلت لها "لأ :((( " وممسكتش نفسي فجأة عيطت!! .. مش هنسى اللحظة دي ما حييت ...... راحت وخداني من إيدي ولفت بيَّا ورجعتني تاني لأخر السجادة الخضرة وطبطبت عليَّا وقلتلي أحلى كلمة رنة في ودني "صلِّي" :) .. وجت بنت تانية من شمالي وسمحولي أصلي .. أقسم بالله حسيت إنهم ملايكة ربنا بعتهملي ... عمري ما حسيت بكرم ربنا قد اللحظة دي .. فضلت الدموع تنزل مني طول الركعتين وصليتهم بنية شكر وحمد لله رب العالمين .. دعيت من قلبي لربي اللي عالم بيَّا من غير متكلم .. دعيته وقلت يا رب خد بإيدي وإفرجها علينا يا رحمن ..

كل الرحلة متتنسيش .. خصوصاً وأنا ماشية في السعي مع أمي .. أدعي وتأمّن ورايا :) .. ولما تيجي نقطة البداية عند الصفا أو المروة ترفع إيديها وتسمّي "بسم الله .. الله أكبر".." إِنَّ الصَّفَا وَالْمَرْوَةَ مِن شَعَائِرِ اللَّهِ ۖ فَمَنْ حَجَّ الْبَيْتَ أَوِ اعْتَمَرَ فَلَا جُنَاحَ عَلَيْهِ أَن يَطَّوَّفَ بِهِمَا ۚ وَمَن تَطَوَّعَ خَيْرًا فَإِنَّ اللَّهَ شَاكِرٌ عَلِيمٌ" آية 158 من سورة البقرة .. عملنا عمرة مرتين الحمد لله وكانت أكتر لحظة بحس بقربي منها فيها هي دي ... اللهُم أرزقني برها .. اللهُم آمين ..

الدنيا هناك حاجة تانية .. بقاع من نور .. مش من بتاع الدنيا ده .. لا والله .. نور رباني خالص ليس له مثيل .. فـكيف بالجنة وعرش الرحمن اذاً؟؟؟!!! اللهُم أرزقنا إياها اللهُم آمين آمين آمين .. مهما وصفت مش هيكفي والله .. كان نفسي مرجعش .... فوالله الذي لا إله إلا هو هذه الدنيا لا تسوى لا تسوى لا تسوى شئ ... كلها تراب والله .... ربنا يوعدكم بيها :)

يا رب الثبات .. يا رب الثبات .. يا رب الثبات .. اللهُم رضاك والجنة ..... آمين


LadiezCorner.com 2013