Tuesday, December 23, 2014

Spread #Inspiration



People inspire me more than anything in the world. Not only they push me forward, but also they give me air to breathe!

I know I've chosen the hardest path in life, and I know no matter how many times I bleed, #Allah (swt) will help me get back on my feet.

I seek hope, pride, honor, love, care, honesty, and harmony everywhere I go. So if our friendship is #real, please be the #support you wish to see in the world. If I mean anything to you, please believe in being better together.

If you have any respect for me at all, cherish what you find in me -- not for what you want me to be.

#Accept me for who I am.
#Honor my wishes.
#Give me space & #Forgive my lashes.

#Love is starting to fade from our lives -- please spread it for #inspiration :)


Wednesday, December 3, 2014

#حواديت

عارف يعنى إيه #سكن؟ 
يعنى لما تدور على شخص بعينه فى وسط الناس كلها برضه ما تلاقيهوش إلا فيه ..

عارف يعنى إيه #حِنّية؟
يعنى لما تبص فى عينه تحسه بيحضنك من غير حتى ما يلمسك ..

عارف يعنى إيه #شوق؟
يعنى لما صوته لوحده يفكرك بألف ذكرى وذكرى كنت فاكر إنك نسيتها من سنين ..

عارف يعنى إيه #لهفة؟
يعنى لما تحس بدقات قلبه بتنده عليك وتسمعها وإنت بعيد ..

عارف يعنى إيه #حُب؟
يعنى كل لحظة وحشة فى حياتكم تتمسح بأستيكة أول ما ينادى إسمك ..

عارف يعنى إيه #إخلاص؟
يعنى قلبك وقلبه متعلقين فى حبل وريد واحد ..

عارف يعنى إيه #أمل؟
يعنى يقين وعمل وحسن ظن بالله إنه كاتب لك الخير حيث كان ..

عارف لو قدرت تلاقى كل دول فى إنسان واحد بس .. إوعى تضيعه من إيديك .. بس فى الحلال :)

رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا. #آمين
#دعاء


Sunday, November 16, 2014

#Jamilah - #جميلة

Check out my new project. Hope you like it in shaa Allah ..
Will be anxiously waiting for your feedback :)

Here are the links:

Tumblr: http://JamilahClothing.tumblr.com



Wednesday, October 15, 2014

مبادرة #كتب_ببلاش

تم تفعيل مبادرة #الكتب وتسميته

الصفحة: 

الجروب:


الفكرة ببساطة إنك تتبرع بالكتب اللي مش محتاجها وتهديها لشخص تانى #من_غير_مقابل :)

#شير_فى_الخير واضغط على اللينكات عشان تفهم الفكرة أكتر ..


#فرح_بجد


تجربة ‫#‏كتب_ببلاش‬ على الفيسبوك



** بوست بتاريخ 15 سبتمبر **


على سبيل ‫#‏البهجة‬ ..

فيه ولد إسمه Mohamed Abd-elzaher عامل ‫#‏مبادرة‬ لطيفة .. بيوزّع ‫#‏الكتب‬ اللي مش محتاجها ‫#‏من_غير_مقابل‬ ..

بشرط واحد: تختار ‫#‏كتاب_واحد_فقط‬ وبعد ما تقرأ ‫#‏الكتاب‬ تهديه لشخص تانى وتطلب منه يعمل زى ما عملت بالظبط بهدف ‫#‏نشر_المعرفة‬
قابلته النهاردة وأهدى لى رواية ‫#‏باب_الخروج‬


وأنا الكتب اللي كنت حابة أوزعها لسه عندي .. محدش أخدها
يلا ‫#‏الهمة‬ !! اللي محتاج أي ‫#‏كتب‬ من دول يبعاتلى عشان ‫#‏الدنيا_تلاهى‬
أي مكان في مدينة نصر أو مصر الجديدة هيكون تمام قوي


— feeling excited.

** بوست بتاريخ 2 أكتوبر **


تم بحمد الله
كل كتبى اتوزعت
شكراً لكل الناس اللي اهتمت وأخدت ‫#‏الكتب‬ ..
وأحسن ما فى الموضوع إن الواحد قابل ناس راقية بمعنى الكلمة ‫#‏الحمد_لله‬

إلى اللقاء فى التوزيعة الجاية

‫#‏كتب_ببلاش‬
‪#‎Giveaway_Books‬

لو عايشة لوحدى


عندى ‫#‏قناعة‬ إنى لو عايشة لوحدى تماماً هقدر أعمل حجات كتير قوي ..
لو كنت حرة نفسى ومفيش ضغوط من حواليا بتجرني لقاع الأرض .. كنت فعلياً هطير ..

بس كل واحد فينا عنده ‫#‏بلاء‬ كبير فى حياته .. مهما حاول الهرب منه مفيش فايدة .. هيفضل ملاحقه حتى وهو نايم!

ملهاش حل غير ‫#‏الصبر‬ و ‫#‏اليقين‬ إن ‫#‏ربي‬ سبحانه وتعالى هيعوضني بأكتر من اللي بحلم بيه .. هيقول له ‫#‏كن_فيكون‬ وهيرزقنى خير مكونتش بتمناه ..

أنا عارفة وحاسة إن بيتم إعدادى لحاجة كبيرة .. إيه هى؟! معرفش ..
عشان كده ‫#‏بعافر‬ ..
بصحى كل يوم على ‫#‏أمل‬ إن فيه ‫#‏جنة‬ .. وإن ‫#‏ما_عند_الله_خيرٌ_وأبقى‬

بفضل الله وحده إن لسه فيا نفس .. أه واللهِ .. دى حكمته هو وحده وأنا مش معترضة بالعكس ..

‫#‏طلب_صغير‬ : لو جيت على بال حد فيكم بالله عليكم ‫#‏ادعولى‬
أنا عارفة إنى ضايقت ناس كتير منى .. بس طمعانة تسمحونى لإنى مش حِمل حد يزعل منى أو يدعى عليّا ..

رضا الله عنكم وأرضاكم ورزقكم الخير كله عاجله وآجله
‫#‏آمين‬

#‏البنت_المحجبة‬ قبيحة ؟



Reality Check للولاد :

مش معنى إن ‫#‏البنت_المحجبة‬ مش ملفتة لنظرك بالحجاب إنها قبيحة من غيره 
‫#‏الحجاب‬ اللي ربنا سبحانه وتعالى أمر بيه لازم يكون مش ملفت ‫#‏أساساً‬
ويا ريت .. من فضلك .. لو سمحت ..
وإنت بتدور على شريكة حياتك ..
حاول ماتكونش ‫#‏سطحى‬ فى الإختيار ..
حاول وإنت بتدور على واحدة تقعد معاها الأول ولو مرة ‫#‏تتكلموا‬ .. هي ‫#‏روح‬ قبل‫#‏جسد‬
واللهِ ممكن قوي تضيع واحدة من إيدك هتكون ‫#‏سكن‬ و ‫#‏سند‬ ليك دنيا وآخرة وإنت مش حاسس .. عشان مجرد حكمت عليها من هدومها وشكلها وبس ..
دور على ‫#‏الونس‬ .. اللي هتشيلك فى عينها فى ‫#‏السراء‬ و ‫#‏الضراء‬ ..
بالله عليك ‫#‏ماتبقاش_أناني‬ !!
— feeling ‎لقد هرمنا!‎


Wednesday, August 6, 2014

#الحجاب


بزعل قوي وقلبي بيتقبض لما بلاقي البنات اللي على خُلُق بتقلع الحجاب .. عشان ببقى عارفة قد إيه أخلاقهم جميلة وقلبهم صافي وبحبهم قوي واللهِ وبتمنى لهم كل خير .. 
مش زعل شفقة .. زعل حب <3

وعشان عارفة ومتأكدة كم الخير اللي فى فرض #الحجاب بيبقى نفسي يشوفوا الخير ده بعيني ويحسوه  بقلبي (لإني على يقين إن الهداية إلى طاعة من عند الله وحده) .. 
بس هأقولك حاجة واحدة بس .. كفاية إنك تبقي سنة حسنة وسط ظلام كتير مالوش أخر .. ومش معنى إن فيه بنات كتير مش ملتزمين بعِفة الحجاب يبقى كله كده :) .. كلنا بنجتهد وكلنا بنعمل اللي نقدر عليه وبندعى كل يوم ربنا يشيل من قلوبنا الكِبر والحقد ..

إهداء لكل صحابي وأخواتي البنات اللي قرروا وقلعوا الحجاب الفترة اللي فاتت ..

أنا مش بحكم عليكي أبداً على قد ما بخاف عليكي .. ده قرارك وإنتي حرة فيه ..

وبدعيلك من قلبي يوفقك الله لما يحبه ويرضاه ويرزقك قُربه ومحبته .. #آمين
الإيمان ما وقر فى القلب وصدّقه العمل .. كلنا متعلقين بقشاية .. {وكذلك كنتم من قبل}

نسأل الله السلامة والثبات .. #آمين
ادعولي معاكم <3

أُحبكم فى الله يا بنات <3 :)

Tuesday, July 15, 2014

#كن_مع_الله


#المسلمين أهل إبتلاء ومِحَن ما ينفعش معاهم رفاهية إطلاقاً .. عندما يهتموا بالدنيا يصبحوا أنانيين وغافلين وفاسقين إلى أبعد الحدود ..
المسلمين #رب_العالمين خلقهم لينصروا هذا الدين وإعمار الأرض تحت رايته وفقط .. يصبحون ضعفاء عندما يتنازلون عن مبادئ شريعته ..

القصة مش قصة عربي وأجنبي .. مش قصة خاين و وطني .. مش قصة مصري و إسرائيلي .. القصة في الأصل مُسلم وكافر .. معركة بين #الحق عز وجل وبين اليهود وأعداء الدين والكفار ..

من الأخر اللي عايزة أوصله إن اللي بيحصل اليومين دول في كل الأرض من مشارقها لمغاربها خير .. #كله_خير ..
إحنا في زمن إستبدال قوم ضعفاء بقوم أقوياء أشداء .. زمن تمحيص ليميز الله الخبيث من الطيب ..

فى إيدينا حجات كتير قوي نعملها نعوض بيها اللي فات .. بإيدينا نوعي ونربي الجيل اللي جاي ونعلمه صح عشان يطلع جيل جديد نظيف من المسلمين حُر قوي أمين .. مش ضعيف جبان وذليل للقرش ونعيم الدنيا وحُكام طواغيت .. 

في إيدينا نعلم نفسنا وننجو بيها من العك اللي حصل طول السنين اللي فاتوا واللي علموهولنا في الأساس .. نلحق على الأقل ندعي إن الله سبحانه وتعالى يسخرنا لطاعته بالشكل الصحيح .. لازم نعلم نفسنا بنفسنا!

في إيدينا يكون عندنا هدف أسمى وهو لقاء #المولى ورضاه .. في إيدينا نختار #الآخرة_مش_الدنيا ..

#المسلم مش كائن مستسلم ضعيف .. المسلم الحقيقي ياخد الضربة ويقوم تاني ويعيش ويكون شعلة خير للي حواليه .. 

{ولا تيأسوا من روح الله} :)

ما تزعلش وما تخليش الشيطان ونفسك الأمارة بالسوء تعكر مزاجك وتشغِلك عن هدفك .. إعمل اللي عليك و#توكل ! .. #الله من أسمائه الحسنى #العزيز !!

واللهِ القرب منه هو اللي هيجيب #العِزّة والبُعد عنه هو اللي كله #مذلة وهوان ..
#كن_مع_الله

#الحمد_لله_على_نعمة_الإسلام_وكفى_بها_نعمة
#وأسجد_وأقترب
#إن_الله_مع_الصابرين

Thursday, June 19, 2014

#الإستغفار


أَمْ يَحْسَبُونَ أَنَّا لَا نَسْمَعُ سِرَّهُمْ وَنَجْوَاهُم بَلَى وَرُسُلُنَا لَدَيْهِمْ يَكْتُبُونَ (٨٠)

•• إوعى تآمن للشيطان ..

•• إوعى تآمن لنفسك الأمارة بالسوء ..

•• إوعى ينسّوك إن #رب_العالمين سامع سِرّك ونجواك طول الوقت .. كل اللي بتفكر فيه بيتكتب .. كل نفس بتتنفسه .. كل خطوة .. كل قرار .. كل معاملة .. كل كلمة .. كل حرف .. معاك وإنت بتعصيه أو بتعبده ..

•• وفوق كل ده .. إوعى تستهين بقدرة #الله عز وجل .. إوعى تسوّف #التوبة أكتر من كده .. خد بالك من سحر #الوسطية .. مش في كل حاجة تعتمد على ربنا #الغفور #الرحيم .. لازم تفكّر نفسك دايماً إنه #القوي #المتين #المُحي #المميت ..

•• داوم على #الإستغفار .. أمورنا كلها بيد الله وحده لا شريك له .. ولا حول ولا قوة إلا به ..
#كن_مع_الله .. #كن_مع_التواب_الرحيم


#سورة_الزخرف
#لن_نهجر #قرآن #الفجر
#تدبر_القرآن
#عايش_معاه

#الإنكسار_لله



فَالْتَقَمَهُ الْحُوتُ وَهُوَ مُلِيمٌ (١٤٢) فَلَوْلا أَنَّهُ كَانَ مِنَ الْمُسَبِّحِينَ (١٤٣) لَلَبِثَ فِي بَطْنِهِ إِلَى يَوْمِ يُبْعَثُونَ (١٤٤)

•• #يا_الله !!
سيدنا #يونس كان هيفضل في بطن الحوت ليوم الدين .. متخيل؟! .. #يوم_الدين !!
كل ده عشان ضِعف للحظة وزِهق وأعرض عن الدور اللي #رب_العالمين أسنده إليه لدعوة الناس ..

•• كل ده عشان نسي إن الله سبحانه وتعالى هو #القادر على كل شئ وما عليه غير تطبيق ما يأمره .. يثق فيه ويشتغل ويدعو والأمر كله على الله ..

•• أكيد كان بيقول في نفسه: "مش هينفع" .. "مش هيحصل" .. "ربنا مش راضي عني" .. "كده كده هدخل النار .. مش فارقة" ..

•• يا ترى إنت كمان بتعمل كده ولا لسه في قلبك #كِبر إنك أحسن من فلان وفلان وإشمعنى هو/هي؟! .. 
طب وإنت زعلان بتلوم الظروف والناس بس ولا بتعترف بأخطائك ونفسك تتغير؟! ..

•• طب على سبيل التشجيع .. إيه رأيك تلحق #التوبة النهاردة قبل بكرة؟! .. جرب #الإنكسار_لله والإعتراف بقدرته وشوف هيحصل معاك إيه .. بس خليك واعي إنه #الأحد #الصمد مالك السموات والأرض وإنك مجرد قطرة تسبح في مُلكه ولا حول ولا قوة لك إلا به .. يعني أصبر على حكمه وماتستعجلش و واللهِ هيراضيك ويكفيك ويعزّك .. #ما_عند_الله_خيرٌ_وأبقى 

•• قول ورايا وماتنساش :
لا إِلَهَ إِلا أَنْتَ سُبْحَانَكَ إِنِّي كُنْتُ مِنَ الظَّالِمِينَ 
لا إِلَهَ إِلا أَنْتَ سُبْحَانَكَ إِنِّي كُنْتُ مِنَ الظَّالِمِينَ 
لا إِلَهَ إِلا أَنْتَ سُبْحَانَكَ إِنِّي كُنْتُ مِنَ الظَّالِمِينَ 

#سورة_الصافات
#لن_نهجر #قرآن #الفجر
#تدبر_القرآن
#عايش_معاه

Sunday, June 15, 2014

ما عِند الله خيرٌ وأبقى

أصوات سارينة ونباح كلاب وشتايم من أفواه عيال ضآلة وزعيق بني أدمين وكلاكسات عربيات متزاحمة وحر وعرق وتعطيل مصالح وإصدار أحكام بالإعدام وشباب بينزل من بيته عشان يموت وشوية عواجيز حرامية متحكمة في بلد متمرمغة في الحرام والفساد .... إلخ إلخ إلخ 

كل "ده" وفي ال background فيه صوت صغير جاي من بعيد .. صوت عصافير بتحاول تنادي
على بعض .. الشئ الوحيد اللي متخيلاها بتقوله :

"ما عِند الله خيرٌ وأبقى .."
"ما عِند الله خيرٌ وأبقى .."
"ما عِند الله خيرٌ وأبقى .."

#يا_رب الصبر من عندك .. لا حول ولا قوة إلا بك <3


#الجنة #يا_رب

•• مشتاق ل #الجنة بس حاسس إنك ماتستهلش؟! جرب الخطوات دي:

وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ (١٣٣) 
الَّذِينَ يُنفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ (١٣٤) 
وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلا اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ (١٣٥) 

أُولَئِكَ جَزَاؤُهُم مَّغْفِرَةٌ مِّن رَّبِّهِمْ وَجَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا وَنِعْمَ أَجْرُ الْعَامِلِينَ (١٣٦) 

•• يعني طلب المغفرة + إنفاق صدقات + كظم الغيظ + العفو + الإحسان + الإعتراف بالمعصية + ذكر الله + الإستغفار + ترك المعصية وعدم الإصرار عليها = مغفرة من الله + جنات تجري من تحتها الأنهار (مش جنة واحدة!) ••

#سورة_آل_عمران
#لن_نهجر #تدبر_القرآن #الفجر 
#عايش_معاه


تباً للسطحية!


هو ليه بقى صعب قوي اليومين دول تلاقي شخص بسيط و ماعندوش إهتمام بالمظاهر؟!

يعني هي #السطحية بتفيد فى إيه؟! نفسي أفهم ...
حقيقي مش قادرة أستوعب لازمتها إيه فى الحياة ...

كل اللي بشوفه قدامي كوكتيل من النفاق والكذب والخداع والنصب بيتشكل فى إنسان بلا روح و بلا كينونة ..
غصب عني بتختق ومابعرفش أصمد لثواني قدامهم ..
#بالبلدي_كده ريحيتهم بتبقى فايحة وبيبان عليا :)

زي بالظبط اللي رايحة تخطب لإبنها وكل اللي هاممها إزاي العروسة تاكل لبانة قدام العريس ومش لابسة ألوان فاتحة .. ولا التاني اللي لازم يشتري مرسيدس عشان بس صحابه راكبين Bmw .. أو مثلاً الأب اللي مش مستوعب إن المهر أصلاً من حق البنت ومالوش إنه يصرف منه مليم في جهازها عشان المظاهر ! .. بالذمة مش كل  ده نصب في نصب؟!

هو ليه الواحد مبقاش يلاقي ناس قلبها صافي وقعدتها حلوة و تحس بحنيّتها من بعيد؟؟!!
يا ترى لسه فيه ناس بتبتسم في وشك عشان فعلاً فرحانة من قلبها إنها شافتك؟! :)

#الحب راح فين يا جدعان؟؟!!
#القلوب ليه إتحجّرت كده؟!
#الحضن_الرباني الخالي من أي مصالح ده راح فين؟؟

#خسارة_واللهِ
#تباً

هو #الكريم

عارف يعني إيه إن الله سبحانه وتعالى #كريم  ؟!
كريم يعني بيحب يكرمك حتى وإنت بعيد ..
#ودود .. بيحب يسمع صوتك ..

أُطلب منه حاجة سر بينك وبينه كده ومش هيخذلك .. والله ما هيخذلك .. بس الجأ له ..
بس أطلب منه المدد هو "وحده" وهتشوف ..
ما تضعفش وتقول "لا يمكن تحصل" .. والله أبداً .. عدم يقينك هو اللي هيضيعها ..

وخد بالك .. رب العالمين بيغير :)
أيوة بيغير تطلب حاجة من حد تاني غيره ..
بيغير قلبك يكون متعلق بحد تاني ومستني منه العون ..
كلمة السر #الإخلاص .. #الإعتماد عليه هو وحده لا شريك له ..
هو ده اللي بيجيب من الأخر زي ما بيقولوا :)

عارف لما تعملها؟! .. والله هتشوف آيات ..
هتبقى خجلان من نفسك وإنت لسه ضعيف ومش قادر تشكره .. ومهما عملت من طاعات باردو هتحس إنها نقطة في بحر من كرمه عليك ..

بس #مش_عيب أبداً تكون ضعيف .. العيب اللي بجد إنك تتكبّر على اللي خلقك وما تلجألوش .. تيأس وتفتكر إن أعمالك مش بتوصل .. لأ والله بتوصل بس #ماتستعجلش

#ماتكابرش .. مهما روحت وجيت وسافرت وإتشقلبت .. باردو هتركع له وحده .. مش عشان هو العزيز القوي بس .. لأ ..
عشان مش هتلاقي أحن منه عليك .. 
عشان هو بس اللي عارف اللي بيجري في دمك ومتقبلك زي ما إنت .. 
هو الغني وإحنا الفقراء إليه ..
هو الأقرب إليك من حبل الوريد ..

وعشان الرحمة اللي عنده ليك ملهاش وصف ولا مثيل .. أرجوك إفتكر إنه بيحبك .. نفسه يبقى جنبك .. نفسك بس تفتكره وتتمنى لقاه ..
بالذمة هتلاقي حد يحبك كده؟! :)
أتحداك! .. #مفيش

هو #الحب_كله <3
هو #الله


Thursday, May 29, 2014

المسلم لا يعرف الضعف!





‫#‏المسلم‬ عمره ما كان ضعيف ولا مستسلم ..
المسلم قوي أمين عنده عِزة وكرامة ورب العالمين هو اللي مربيه ..
المسلم مايعرفش كلمة ‫#‏وطن‬ .. أرض الله بـأكملها هي مسكنه والجنة هي مأواه ..

Tuesday, May 13, 2014

تخيل كده ..


تخيل نفسك كده عايش طول حياتك مع شخص واحد بيتجسد فيه كل معاني الشِمال اللي بتكرهها في حياتك :D
تخيل كده هتكون بني أدم عامل إزاي بعد كل السنين دي؟؟ 
طب تعالى نفكر كده إيه اللي مطلوب منك؟؟ وهو من الأساس ينفع حد يفتح بقه ويطالبك بالتعامل معاه + محبته؟!

بلاش كل ده .. تعمل إيه لما تحس إنك عبارة عن بُخار بالنسبة له و ولا فارق معاه من الأساس .. ده إن إفتكرك أصلاً؟! .. نفسيتك ودنيتك وحالك ومحتالك هيكونوا إزاي وسط كل ده؟!

ما تقدرش صح؟! :)
مش هتقدر تعيش مع حد بتكرهه وتتمنى هلاكه أو النجاة منه .. صح؟!

عارف مين اللي كان عايش كل ده ومستحمل وراضي وعنده يقين بالله كمان؟!
سيتنا وتاج رأسنا السيدة #آسيا :)

تقربت إلى الله بدعاء واحد بس .. "ربِ إبنِ لي عندك بيتاً في الجنة"
كانت عايشة مع طاغية .. مش فرعون عادي فرفور يعني :D
صِبرت وإحتسبت وإختارت الآخرة مع إنها أكتر بني أدمة المفروض تسيب بيتها وتبتدي حياة جديدة .. حتى لما كان فرعون داير على حل شعره مش بيبصبص وبس XD
ومعتقدش أبداً إنها كانت مستسلمة .. بالعكس .. دايماً بتخيل عندها عِزة وكرامة مش عند حد .. وقفت قصاده لما كان هيموِّت سيدنا موسى في المهد وإنصاع لرغبتها و ربنا قداها القوة!

يعني من الأخر .. مش معنى إني عايشة معاك ومش طيقاك إنك تستعبدتي وتفتكر إنك إمتلكتني .. ليا رب ودود جبار قادر على كل شئ وكريم جل جلاله .. ممكن قوي تستهون بيه في طغيانك .. بس أكيد أكيد هو مُطّلِع على كل اللي بيجرى في ملكوته .. سميع بصير متين وهيجازيني خير على صبري ..

حاول تفتكر ده .. حاول تنتبه إنه رب المستضعفين قبل فوات الأوان ... ماتِقواش على حد مُخلص بيحبك عشان حساب ربك عسير .. 
ماتسلِّمش إنه موجود في حياتك على طول .. ممكن في لحظة تفقده دنيا وآخرة وتتمنى يوم واحد بقربه .. 
ماتستسلمش وتسيبه وتيجي عليه لمجرد إنك متأكد مدى حبه ليك ..
ماتحاولش تبقى واصي عليه لإنه قاعد معاك بإختياره وإرادته الشخصية مش حاجة تانية .. هو الوحيد اللي بيقف جنبك من غير مصلحة أو محسوبية ..

لسه عنده أمل فيك .. ماتخساروش .. ماتكسروش :)

Sunday, May 4, 2014

#الظالم


ربنا لما بيحب يهلك ظالم بيسلطه على نفسه ..
أفعاله بتكون عبارة عن غباء وفُجر بيِّن ..
بيشوف الصالح فاسد والفاسد نبي مُرسل من السما ..
بيخاوي العدو قبل الصديق ..
طمعه بيزيد كل ما ربنا يبعاتله كُرب ومحن ..
بيخوِّن فلذات كبده ويتجاهل أفعاله ..
بيمشي على صراط من نار وشايفه حرير ..

ونهايته بتكون من أعماله وقنطرة المظالم مبترحمش :)

#لا_تهنوا_ولا_تحزنوا

#اصبروا_وصابروا_ورابطوا

#ومن_أعمالكم_سُلِطت_عليكم ..

#ولكم_في_ذلك_حِكَم ..

#ألا_إن_نصر_الله_قريب ..

#يقيني_بالله_يقين

Saturday, April 19, 2014

#الناس_اللي_معاها_فلوس


مشكلتي دايماً مع فئة من #الناس_اللي_معاها_فلوس ومعتبرين نفسهم من صفوة المجتمع إن نسبة كبيرة منهم ما بيبقاش عندهم إحساس باللي أقل منهم في حجات تانية كتير مش في الفلوس وبس .. بتحس معاهم بعدم الراحة ونوع غريب من التحقير للذات .. بمعنى أصح بيبقى نفسك الدنيا تتشق وتبلعك ولا إنك تقف معاهم ٥ دقايق على بعض ويحسسوك بالنقص أو العجز ..

بالإنجليزي بيقولوا عليهم بيفتقدوا ال "Empathy" مش ال "Sympathy" ..

"Sympathy" = شفقة على الغير ..
لكن "Empathy" معناها التعاطف مع الغير .. 
والفرق كبييييييير قوي بينهم ..

التعاطف فيه عزِة مش ذِلة للبني آدم اللي قدامك .. بمعنى أصح بتتخيل نفسك مكانه بقلبك قبل عقلك وتبتدي تتفكر وتسأل إنت نفسك هتعمل إيه في نفس موقفه وبتساعده فعلاً كأنك في مكانه بالظبط .. ولو مانجحتش في مساعدته، في الغالب عشان بيطلع هو أشجع منك بكتير .. ولو كنت فعلياً في مكانه ولو للحظة مابتقدرش تستحمل اللي شافه هو لسنين طويلة أو هيفضل معاه لبقية حياته ..

لكن الشفقة إحساس مريض بالغرور والتعالي وعدم المراعاة وبينجح بسهولة شديدة إنه يكسر البني آدم ويفتته حتت .. مش بس كده .. ممكن قوي نظرة عينيك تمنعه من ممارسة حياته طبيعي لسنين وسنين قدام لمجرد تفادي نظرتك دي من أشخاص تانية .. لأن ببساطة بتخليه يعيد كل شريط حياته قصاد عينيه في لحظة وبسرعة البرق .. فبيكره نفسه و وضعه .. وكفاية الحسرة اللي بتكون في قلبه بعديها ..

حاول تعمل واقفة مع نفسك كده من حين لأخر وتحدد ..
لو إنت من #ولاد_الناس_الكويسين .. لما بتشوف حد بيتألم قدامك بتعمل أنهي فيهم؟! 
هل فعلاً بتقدر توصّل إحساسك صح ولا بتعمل زي أي حد ماشي في الشارع وتبدأ تسأل أسئلة سخيفة زي "إنت إزاي سايب نفسك كده؟! لازم ولازم ولازم ..... " لمجرد إنك تتباهى قدام الناس اللي حواليك عشان يقولوا عليك بتاع أعمال خيرية أو قلبك حنين أو إنك قدامهم عايش للناس مش ليك؟؟؟

والأهم من كل ده .. هل محتاجين مساعدتك فعلاً؟!
حاسس بيه/بيها بجد؟؟
واللي جواك ده إيه؟؟
هدفك الحقيقي إيه؟؟
نيتك رايحة فين؟!
بتعمل الخير ليه ولمين؟؟
لربنا سبحانه وتعالى ولا لنفسك؟!

#سؤال
#جدد_نيتك
#الرحمة_حلوة
#بالقلب_مش_بالعقل_وبس
#كله_بالحب
#الدنيا_دوارة

Saturday, April 12, 2014

الصلاة حب

من المغالطات الكتيرة اللي اتعلمناها في المدارس زمان إن صلاة #الفجر هي صلاة الصبح ..

مكانش فيه في القاموس المنهجي حاجة إسمها صلاة في جوف الليل من الأصل .. ثم ليه أصلاً الواحد يصحى مخصوص عشان يصلي ركعتين ويرجع ينام تاني؟! إنت مجنون؟!
يا راجل #كبر_مخك !
#الدين_يُسر_مش_عُسر

والمشكلة مكانتش في ضياع الفرض منك وبس لسنين طويلة ما تعرفش هتعوضهم امتى .. لا لا ابسولوتلي!

المشكلة الأكبر إن #صلاة_الفجر أحلى صلاة في اليوم كله .. فيها مناجاة وخبايا بينك وبين رب العِزة محدش في الدنيا يعرفها! فيها خيرات وحلاوة وسكينة وإحتواء فعلي وتوفيق في الدنيا والآخرة من رب العالمين .. فيها الحُضن اللي بتدور عليه كل يوم ومش لاقيه .. مش مجرد أداء مناسك وبس .. خصوصاً لما تستشعر إنه بينظر ليك بالفعل .. #إنت_وبس

هما علمونا إن #الصلاة_عماد_الدين ولازم تصلي عشان تخش #الجنة مش #النار أه ..
وعلمونا إن السُنن مش مهمة :)
بس ما علموناش إن لما الواحد بيحب حد بيكون عنده شوق ليه على طول ونِفّسه يكلمه ٢٤ ساعة في ال ٢٤ ساعة .. وإن الصلاة هي الوسيلة الأساسية للتواصل مع اللي بتحبه .. #الله_جل_جلاله

ما خلوش عندك هدف أو حتى وعّوك إن #حلاوة_الإيمان هي السعادة الحقيقية في الدنيا دي ..
ما علوموناش إن رب العالمين لا تأخذه سِنةٌ ولا نوم وإنه بيسمعك أي وقت حتى وإنت عاصي ومليان ذنوب وبيحب يسمع صوتك إنت "العاصي" أكتر من أي حد تاني ..
ما نبهوناش إن #الدعاء يغيّر الأقدار وإنه #الودود .. "ودود" يا ناس ودود! يعني زي ما حد بيحبك ييجي ينكُشك كده ويهزر معاك عشان يشوف ضحكتك .. #ولله_المثل_الأعلى

مين فينا وحشه ربنا بجد ونفسه يرد عليه؟!
مين فينا بيحس إنه مهما حكى حاله لبني أدمين مافيش غير ربنا اللي بيسمع بجد؟!
مين فينا ماعدش حاسس بطعم الحياة ومهما سافر وأكل وجرب حاجات جديدة لسه قلبه وجعه ومقبوض على طول؟!
مين فينا مافقدش أب أو أم أو صديق أو أخ أو إبن حتى وهما أحياء لسه؟!

فكر فيها كده .. ليك مين غيره بعد كل ده؟! مين؟!
ولما تتوفى .. هتروح فين؟!
هتكون مع حد بيحبك وبتحبه وبيطبطب عليك؟! .. ولا عايز نفس دنيتك اللي كنت فيها من غير زيادة أو نُقصان؟!

هتختار إيه؟! :)

#الصلاة_حب
#الصلاة_مش_مناسك_وبس
#يقيني_بالله_يقين
#الجنة_هي_المأوى
#الله_حبيبي

Tuesday, April 1, 2014

#الطبطبة

رسوم أمل علي 


هو هييجي يوم علينا نحكم على أخلاق واحدة من منظور السيدة آسيا زوجة فرعون مش من منظور زوجة نبي الله نوح؟!

تفتكروا فعلاً الراجل هيعامل الست على إنها عفيفة مش معقدة أو ضعيفة؟!

تفتكروا الأب هيعمل حساب لقلب بنته قبل ما يجوزها لأول واحد يدفع أكتر؟!

تفتكروا البنت هتقدر تبوح بقبولها ناحية شخص ما ورغبتها في الإرتباط بيه زي ما أم المؤمنين السيدة خديجة عملت مع سيدنا مُحمد عليه أفضل الصلاة والسلام؟!

إمتى هنعلم ولادنا قبل بناتنا إن حلاوة البنت في أخلاقها وكرامتها وعزتها وعفتها وجدعنتها مش في مظهرها ولا كلامها ولا خدمتها ولا طبخها وغسيلها؟!

والله البنت حنينة قوي وسهل تكسبها .. بتحب تعمل كل حاجة بشغف .. عايزة تحس إن ليها هدف في الحياة ..

كلمة منك بالدنيا عندها .. ربنا خلقها "سكن" ليك ..
بتحب الأمل وبتحب الحياة في طاعة ربنا ..

عارف الطبطبة؟! .. أيوة الطبطبة ولا نسيت؟! :)
اللي بتجري على أمك في الخباسة وتسرقها دي ..
هي وحدها "الطبطبة" اللي بتحل كل حاجة مهما عملت من كوارث ..

جربها ومش هتندم :)

#جبر_الخواطر
#رفقاً_بالقوارير
#رحمة_الله_وسعت_كل_شئ


#خاطرة

رسوم أمل علي 

في كل رُكن،
في كل كلمة،
في كل حلم،
في كل خطوة،
في كل فكرة،
في كل نظرة،
في كل دقة قلب،
في كل ضحكة،

 ذكرى ...

.. N.O.H.A ..

Your Own Defenition


Jobs doesn't define a person,
Wealth doesn't define a person,
Poverty doesn't define a person,
Where you're brought up doesn't define you as a person,
What you say doesn't define you as a person,

It's what you've been through that does ... What's deep down in your heart, after all these years, is what really counts ...

How healthy is your heart? Can you tell?!


.. N.O.H.A ..

Sunday, March 30, 2014

#مكتبة

نفسي أروح مكتبة فى البلد فيها حجات زي كده ..

١- رُكن outdoor أشجار وعصافير وحجات من دي ..
٢- و رُكن للأطفال فيه لِعَب وقراءة قصص وcrafts وblocks ..
٣- و رُكن لقائات ومناقشات و workshops و debates و book readings و book signing ..
٤- و رُكن للمعارض الصغيرة وبيع accessories لطيفة الناس محتجاها فعلاً ..
٥- و رُكن إستعارة الكتب (مش للبيع وبس) ..
٦- و رُكن لل audio books و ال e-books ..

يا ترى فيه حاجة كده عندنا ؟ و فين ؟ :)

.. N.O.H.A ..

Thursday, March 20, 2014

مش دايما قلبك بيكون صح ..


مش دايما قلبك بيكون صح ..

مش دايما بـيقف جنبك ويخليك تقف على حيلك من تاني ..
ممكن قوي تلاقيه معطل لك حياتك ومش عايزك تفوق ..

ممكن قوي يكون بيكدب عليك .. أيوه بيكدب عليك ..
بيتهيألك إنه الوحيد اللي بيحبك وعايز مصلحتك .. بيخليك تدور على إنسان كل همه نفسه وبس ويقنعك إنه ميعرفش يحب  غيرك ..
بتعيش في وهم إنه ضحى عشانك وشايف مصلحتك ..والحقيقة غير كده .. الحقيقة إنه مش هيقدر يعمل غير كده .. الوهم هو السلاح الوحيد قدام نفسه وقدامك ..

هتفضل تدافع عن قلبك كتير .. مش هيستسلم بسهولة .. لمجرد إنك مش هتقدر تتخيل إنه هو من دون الناس  .. هو نفس الشخص اللي كان بيتمنى ينام على صوتك .. هو اللي في الآخر مقدرش يستحمل .. إختار نفسه في الآخر ..
أيوه اختار نفسه .. إيه اللي غريب فيها دي؟!
أيوه واخد قرار ومرتب حالُه وبيفكر في نفسه وبس … وقلبك هيقف جنبه ويسانده .. عشان نجح إنه يخلي قلبك في إيده ..عرف إزاي يكسبه .. انتصر على مليون واحد جه قبله وعرفه .. عرف يخليه يحبه ..

عشان كده ماينفعش تستسلم لقلبك .. قلبك معدش ملكك .. قلبك مش صح ..
عشان كده ماينفعش تستسلم لمشاعر الحنين اللي جواك ..عشان كده ماينفعش تهين نفسك وكرامتك أكتر من كده .. تفضل سنين على أمل زائف إنه بيفكر فيك وعايزك .. إنه هيلف يلف ويرجعلك ..

لو كان عايزك بجد كان ماخترش نفسه .. لو بيحبك بجد مكنش داس عليك واتحمل بعدك عنه .. مكانش رفض وجودك جنبه وهو عارف قد إيه قلبك متمناش غيره ولا حلم إلا بسعادته .. مكانش فكَّر في حد تاني وعاش حياة تانية .. مكانش رضي إنك تعيش مع غيره ..مكانش اختار يضيعك من إيده عشان يعيش ..مكانش بقى أناني ..

لازم تنساه وتنسى قلبك ..ماعدش ملكك .. أيوه ماعدش ملكك .. مش هيرجعلك .. لا هو ولا قلبك ..
كرامته هي سعادته .. حب نفسه أغلى منك ومن قلبك ..

ارحم نفسك قبل قلبك ..
ماتستناش قلبك يرجعلك غير لما يتعلم ..
أيوه لازم تسيب قلبك يتعلم .. لازم يتألم عشان مايستسلمش لحد تاني .. لازم يتجرح والجرح يعلم .. لازم يفوق من الوهم .. لازم يعرف حقيقة الي خانه .. لازم يدوق المر عشان يفضل معاك .. عشان لما حد تاني ييجي يقول له "إنت ملكي" .. يقف قصاده ومايسيبكش .. يختارك إنت مش هو .. يستسلم إنه يكون بإيدك إنت وبس ..

وبس ...

Thursday, March 13, 2014

What's Wrong With Me?


There’s something about old people I’ve recently grown to love. I find myself gazing non-stop at them in the streets or whenever I go out. I don’t know why exactly. Maybe because I feel I’m getting older? I’m still wondering about that. Maybe I’m trying to picture my life ahead, trying to fill the gaps I’ve encountered in me lately. I honestly don’t know; at least, not yet.

I’ve just seen two old men walking in the rain, heading towards the mosque for Fajr Prayer, with nothing on but a Jilbab and Abaya. It’s actually 4:30 in the morning, still dark, and both of them were walking individually. No one told them to come down, no Athan was calling out for prayer yet; they simply got up on their own and chose to bear this windy weather, obviously for just the love of Fajr Prayer.

I know you’re asking yourselves; ‘what’s so fascinating about them? This usually happens when they grow up; it’s not a new phenomenon or something.’ Indeed, it isn’t. But doesn’t it make you wonder; what exactly did they do in their lives that Allah (swt) has granted them the chance to be able to do so at this age? It’s hard enough, nowadays, for a man around his 20’s or even 30’s to wake up in such late hour to dress up for Fajr on a regular day. As a matter of fact, most youngsters do not realize its benefit and choose to sleep over. Plus, I’m living in a neighborhood, where waking up for Fajr is not a big deal. Don’t you wish you have such power to start your day with something only few people on this earth do?

Only then when the ultimate question pops up, ‘What is wrong with me?’ I keep asking myself day after day. ‘Why can’t I do the same? When will I go outside and start living normally like everyone does’.

You see, I’ve reached this checkpoint in my life where I feel totally apathetic towards everything. I don’t know what to do with my life, what to say, what to eat, what to wear, what to work, what NOT to work… and I’m starting to envy those old people, putting my brains to the test, ‘How did they manage to get it all figured out? How did they survive such life? What do they feel about tomorrow? Do they live all alone or still long for company? What exactly is the purpose of MY being, not all mankind? Will I ever be capable of pulling out what I have in mind and act upon it for real? Will I get the chance to live my own life, not ordered by someone else? And if I did, now what exactly do I want to do?’

At this moment, I wait for answers and I find none. I stumble upon the fact that I have nothing, I know nothing, and completely blocked out. I start looking around me; something that’s not yet found in books, daily media, or the internet. Actually, something that strikes me… gives me the will to survive, to wake up in the morning, and to long for a better future.

It all comes down to listening to nature at the end; to the signs Allah (swt) sends me. This is the only way I make peace with myself (with no judgmental people at least). Sometimes they’re not as much, and most of the times my ‘Self’ keeps me still drowning, lost, and helpless for quite some time.

However, I don’t think I lost ‘Hope’ just yet. I know there’s something out there, just not sure what, when, or how will I get it. All I know now is, I need this! I need to deprive myself from everything and everyone. I need to figure out what my life is about. I need to learn how to live with myself for the rest of my days left on this planet, how I will manage to stand the things I hate the most, and how I must get hold on to my actions and learn to be brave.

I Need to Find Me … I Need to Love Me … I Need to Accept Me …

Remember me in your prayers, whoever is reading this, wherever you are … Believe it or not, it’s surely needed :)

Thursday, February 6, 2014

#الإنسان_ضعيف


الشيطان ده حاجة عالمية يا جدع!
عنده قدرة عجيبة يحسسك قد إيه إنت إنسان ضعيف وهذيل وملكش أي لازمة في الحياة .. لا وكمان مش مكفيه .. لازم يبعتلك الماضي يطاردك ويقلل من توبتك لربنا .. يختار دايما أقذر ذنب عملته في حياتك ويجيبه قدامك ويقولك "شوف؟! الذنب قدامك أهو .. بشحمه ولحمه .. شفت إنك لسه زي ما إنت؟؟!!"

وهنا ييجي الثبات اللي ربنا رزقك بيه والصحبة الصالحة اللي تعينك وتفكرك إنك لسة نضيف .. لسة جواك حاجة حلوة ربنا بيحبها .. لسة فيه أمل .. لسة فيك نفس

سبحان الله التواب الودود السميع العليم .. لولا رحمة الكريم المعين كنا ضعنا ضعنا !!!!

اللهُم يا مقلب القلوب ثبت قلوبنا على دينك ...
الحمد لله الذي عافانا مما ابتلى به غيرنا وفضلنا على كثيرا من خلقه ..
 — feeling ‎الحمدلله‎.



Sunday, January 12, 2014

نفسي ...


قلبي مجروح .. نعم قلبي جريح .. يعتصر و يتألم ويحاول الهروب  ..
عيني مكسورة .. مقهورة .. مسجونة .. فيه روح جواية حرة بس مش قادرة تعيش ..

سنين عمري بـتتسرسب  مني سنة  ورا  سنة  و يوم بعد يوم ومازلت في مكاني ولم يتغير حالي ..
الأيام بـتجري بسرعة الصاروخ ومازلت تلك الفتاه الخائفة الضعيفة التي لا تملك من أمرها شئ ..
لست ممن يسخط من قضاء الله وقدره .. فـوالله الذي لا إله إلا هو لا أريد من هذه الحياة شئ إلا رضاه ..
لكني سئمت الضعف والمهانة .. تعبت من الإستسلام .. لم أعد أطيق السلبية .. وللأسف لا أملك غيرهم الآن ..

سئمت معرفة الضعفاء .. ولكن هم من أشعر بالألفة بينهم .. فأنا ضعيفة مثلهم ..
كل أمنياتي إني أرتاح ولو قليلا .. ولكني لا أستطيع ..

نفسي ألاقي حد يكون سندي ..
نفسي محسَش بالذنب طول الوقت ..
نفسي أصحى كل يوم وأنا مبسوطة ..
نفسي مهربش في النوم ..
نفسي قلبي ميوجعنيش..
نفسي مخافش إني أخسر اللي بتمناه من قبل ما يحصل ..
أحلامي بسييطة والله .. بسيطة قوي .. نفسي في الأمان ..
نفسي في حضن ينسيني الهم .. نفسي أسند على حد وميجريش مني ..
نفسي حد يقف جنبي .. نفسي ما تصعبش عليَّا نفسي .. 
نفسي محدش يبص عليَّ بشفقة ..
نفسي أنجح في حاجة .. نفسي .. 
نفسي أخد معايا حاجة لقبري من غير ما أكون خايفة .. 
نفسي أتكلم مع حد وما يقولش اصبري ..
نفسي أهرب ..
نفسي أسافر ..
نفسي الاقي راجل يتحمل مسئولية نفسه ومسئوليتي ..
نفسي في الونس .. في السكن .. في الطبطبة ..
نفسي أبطل عياط ..
نفسي طاقتي ترجع ..
نفسي أروح الجنة .. تعبت قوي هنا .. قوي .. 
نفسي أروح مكة وأموت هناك .. 
نفسي كل اللي اتخلى عني يحس بقيمتي .. 
نفسي أفرح .. أفرح بجد من غير خوف .. أفرح في النور قدام الناس كلها ..
نفسي أصرخ ..
نفسي كل اللي ظلمني يفوق .. على الأقل يبطل ظلم ..
نفسي أحس بطعم الحاجة ..
نفسي أتكلم وحد يسمعني ويفهمني بجد ..
نفسي أنام وأصحى الاقيني في حتة تانية ..
نفسي أغمض عيني وأفتكر ذكريات حلوة بس ..
نفسي في حد يستحملني ...
نفسي في حضن .. حضن زي حضن جدي كده .. حضن رباني صافي ...
نفسي أثق في حد وما يخيبش ظني ..

يا رب ....

Tuesday, January 7, 2014

حاجة حلوة



هي: "قول لي حاجة حلوة"

هو: "إنتي .."

هي: "لأ .. قول لي حاجة تانية"

هو: "ماعنديش غيرك" :)