Monday, August 3, 2015

#‏حوار_مع_النفس



ساعات الواحد بيتمنى حاجة ومش بتتحقق فى ساعتها وساعات مش بتتحقق خالص .. وبيكون عنده صراع نفسى طول الوقت "يا ترى القرار كان صح؟"
وبحس إن ممكن أعيش طول عمرى مش عارفة إجابة السؤال، بس دايماً بدعى ربنا يرزقنى البصيرة إنى أشوف قدامى حجات محدش غيرى شايفها عشان يتحقق عندى يقين كامل وأكون واثقة من قراراتى سواء الأمانى دى اتحققت أو لأ ..
ومع الوقت - بفضل الله - أوقات كتير رأيى بيكون على صواب .. والحمد لله الحمد لله الحمد لله إن ‫#‏رب_العالمين‬ رازقنى معيّته فى الموضوع ده بالذات .. بتوكّل على ‫#‏الله‬٢٠٠٪ إنه يدبرلي أمورى كلها لأن ببساطة ماليش يد فى أي شئ غير إنى أخلص النية له وأطلب منه العون والغفران .. ولو حصل ورأيي طلع غلط، بعاقب نفسى بمنتهى القسوة لإنى بخاف منها .. أيوة بخاف منها!
- أيوة يعنى عايزة تقولى إيه؟؟؟
- عايزة أطلب منك طلب يا نهى ..
احمدى ربنا أكتر من كده .. احمديه فى كل وقت وكل حين .. ارضى .. ارضى باللي ربنا قسمهولك .. ربك له حكمة ومش هيظلمك .. ربك ‫#‏ودود‬ هيكرمك .. ربك ‫#‏حليم‬هيعوضك .. ربك هيرزقك اللي نفسك فيه وأكتر بكتير ❤
هتوصلى مهما طال الزمن والمسافات .. هيجمعك باللي بتحبيهم دنيا وآخرة وهيبعد عنك شرور الخلق .. عندك أمل حافظى عليه وماتستسلميش .. وهييجي يوم وأفكرك :)