Tuesday, February 9, 2016

عن المعافرة




ناس كتير بتقول عليا هبلة عشان بحكِّم قلبى مع عقلى فى أمور حياتى .. شايفين إن دى سذاجة وإن توكلى على ‫#‏الله‬ سبحانه وتعالى مش منطقى ولا عملى فى الزمن ده .. بيقرأوا صبرى على إنه ضعف .. وفيه منهم اللي بيشوفه غرور .. أه وعهد الله بيحصل :)


مع إن جل جلاله يقول فى كتابه العزيز فى سورة الأنعام { قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ [١٦٢] }




ويقول أيضاً فى سورة التكوير { وَمَا تَشَاءُونَ إِلَّا أَنْ يَشَاءَ اللَّهُ رَبُّ الْعَالَمِينَ [٢٩] }
يعنى من الأخر كده، مهما الواحد لف ودار وشاف وقابل ناس وقرر قرارات، الأمر بإذن‫#‏المولى‬ وفقط ..
ما علينا غير السعى لتحقيق الغايات فى طاعته والرضا بقضاءه والثبات على دينه ..
المعافرة فى جهاد النفس كل دقيقة من كل يوم شئ نعتز به مش العكس .. ولجوء الواحد للدعاء ده مش عجز .. القوة الحقيقية هـتلاقيها وهـتستمدها من اللي خلقك وعارفك أكتر من نفسك ..


عايز أمورك تتيسر وتحقق اللي نفسك فيه؟

صدّق ربنا قبل أي حد تانى .. صدّقه بقلبك قبل عقلك .. ببساطة هو ده الإيمان بالله بالنسبة لى .. إن ‫#‏رب_العالمين‬ لازم يكون له الأولوية فى كل شئ وإنه مش بيظلم حد ولا حقك بيضيع أبداً إذا لجأت له حق اللجوء :)

‫#‏بس_كده‬